Write For Us

【蘋果360°】導盲犬角度看世界 我已將生命交託給你

E-Commerce Solutions SEO Solutions Marketing Solutions
144 Views

  • Thanks! Share it with your friends!

    You disliked this video. Thanks for the feedback!

admin
Published
因為一套電影《導盲犬小Q》，令到唔少香港人開始認識導盲犬。不過又有幾多人真正了解導盲犬對視障人士嘅幫助？等導盲犬Whisky帶大家以360°感受一吓佢哋嘅世界。想知更多Johnny同Whisky嘅生活點滴？
只要點擊以下《蘋果VR》網址：
大概八年前，Johnny因為糖尿上眼，導致完全失明。起初Johnny都係依靠手扙出入，但佢就覺得手扙並唔適合自己：「對於我嚟講，用手扙其實係一個好困難嘅方法。因為一來係後天失明啦，二來就話……咁自己好冇信心。好驚會打到人，自己個方向感其實都比較差啲。」
直到年半前，Johnny遇上導盲犬Whisky，佢嘅生命從此改變：「用導盲犬其中一個原因，我諗都係受到一個《導盲犬小Q》嗰個電影嘅影響，即係好似一個屋企人咁。有導盲犬之後其實我諗最主要係嗰個信心好大呀。即係落街就算真係唔好意思蕩失路都好啦，側邊有個朋友仔喺度陪伴，自己好似會安心一啲囉。」成日話狗係人類最好嘅朋友，Johnny就話Whisky簡直係佢救命恩人：「有一次覺得Whisky好有靈性嘅，因為我本身有糖尿病啦， suppose應該會知道自己血糖低，準備要補充番啲血糖。有一次就喺我返工嘅時間，落咗巴士，但係行咗幾步，個人就開始暈暈哋喇。由我冇咗意識到我真係暈咗嘅時間呢，原來就已經喺番我哋公司門口出面。即係我覺得好似係Whisky想特登帶我畀人知道我主人好似有啲問題喎。」
導盲犬又乖又可愛，經過嘅途人可能都會想同佢哋say個hi或者摸吓佢哋。不過咁樣做其實非常危險，因為好有可能令導盲犬分心，而發生意外。Johnny就提提大家要記得三不一問：「要不干擾 ﹑不餵食﹑不拒絕；凡事都問過使用者啦，或者佢哋影相我都唔知道，其實最好就問一聲先，我哋都唔介意嘅。」
Johnny同Whisky情同父子，問到Johnny爸爸有咩說話想同Whisky講，佢都即刻鼻酸起嚟：「希望你健健康康啦，因為我睇《導盲犬小Q》嗰啲時間，我都會好心傷。希望Whisky健健康康啦，一路做到佢退休為止。只要係咁各樣我都好安心架喇，希望佢唔好有任何病痛。我已經將我嘅生命交托畀Whisky。」
電腦用戶可選用Google Chrome瀏覽器，以滑鼠或方向鍵上下左右移動，360°欣賞片段。
手機讀者，可率先下載全新《蘋果VR》程式，立即體驗壹傳媒集團旗下製作之所有360°影片及VR互動資訊：
iOS:
Android:
Category
Hiburan - Entertainment
Sign in or sign up to post comments.
Be the first to comment