Write For Us

【蘋果360°】玲玲師傅3千萬豪宅 Keyboard方向好緊要

Sponsored Post Vitamin D2 Canada Persia
94 Views
Published
麥玲玲師傅最近工作、廣告接唔停,到底喺佢三千萬豪宅裏面暗藏咗咩玄機?等玲玲師傅自己屋企自己360°介紹返。
先講客廳,玲玲師傅話客廳宜配米色等柔和顏色,再學佢咁掛返幾張色彩繽紛嘅畫裝飾,幫助增進屋企氣氛,自然嗌交都少啲,一家更和諧。去到飯廳,好多人都問應該用圓形定長方形嘅枱好,師傅提醒其實有另一樣嘢更加要留意。咪以為露台地方細細冇特別,原來露台就似天線一樣,附近環境如何,你的日子也必如何。屋外煞氣多,露台通通都會接收晒。
講到書房,玲玲師傅教路,來年電腦keyboard擺位可以面向東北,即流年文昌星位置,做嘢都會清晰啲。喺工作範圍放置綠色物品,舒緩眼睛疲勞之餘,仲可以帶旺文昌星,考試滿分、升職加薪就指日可待!
另一邊廂,我哋每日平均有近三分一時間逗留喺睡房,所以睡房設計都要注意!師傅提醒,睡床有床柄都有助增強貴人力量;睡床同洗手間避免相沖,否則要遮擋一下或者閂埋門。天花板亦唔好走漏眼呀,因為房燈壓床容易受傷,將燈移到床尾或其他地方就最好。一間屋又點少得廚房,師傅話千祈咪睇小灶頭,因為廚房唔只對女主人健康有影響,就連荷包有冇錢都睇佢!
想知露台擺咩至擋得住各類型嘅煞氣?想知道keyboard向邊最吉利?只要點擊以下《蘋果VR》網址:
第一集:【蘋果360°】玲玲師傅3千萬豪宅 屋企邊度識接收煞氣
第二集:【蘋果360°】玲玲師傅3千萬豪宅 Keyboard方向好緊要
電腦用戶可選用Google Chrome瀏覽器,以滑鼠或方向鍵上下左右移動,360°欣賞片段。
手機讀者,可率先下載全新《蘋果VR》程式,立即體驗壹傳媒集團旗下製作之所有360°影片及VR互動資訊:
iOS:
Android:
Category
Hiburan - Entertainment
Sign in or sign up to post comments.
Be the first to comment