Write For Us

那日開往大埔的泥鯭車　谷友大讚有人情味

E-Commerce Solutions SEO Solutions Marketing Solutions
134 Views

  • Thanks! Share it with your friends!

    You disliked this video. Thanks for the feedback!

admin
Published
發現號、地獄黑仔號、梁師號……短短3星期，1.2萬人關注，3,000人等候批准入谷，帶動將軍澳、上水、馬鞍山、觀塘、荃灣深井及沙田，出現隸屬不同地區的順風車群組，甚至幾間偏遠大學，如教院、科大及嶺南大學等，也有學生積極拉攏師生「友共乘」。香港的順風車文化，由「點會有得搞」到遍地開花，將人情紙咁薄變成遠親不如近鄰的，是「大埔街坊泥鯭」群組（圖）發起人呂忠義（Albert）。

記者：呂麗嬋



泥鯭的，是香港對共乘的士的俗稱，過去，是小市民街頭智慧的結晶；今日，被Albert重新演繹，成為「共享閒置資源」的網絡時代新交通模式。簡單而言，是車主或乘的士的街坊，在開車前於群組公佈行程，包括出發地點、時間及目的地，俗稱「釣泥鯭」，順路街坊可加入，車主義載。「最初構思純功能性，冇諗過個谷會有咁強凝聚力，好多做埋朋友，一齊消夜，仲順路帶埋陪睇醫生！」Albert說。

只要登上群組，就是透過手機屏幕，一樣感受到暖洋洋的街坊情。置頂的，是Albert寫的谷友須知，洋洋灑灑幾千字，由保障篇到禮儀篇，由應否車廂內拍照到座位佈局，巨細無遺。為免吹水post淹沒主菜，鼓勵谷友將未過期的行程post置頂，方便查閱。無人駕駛卻人人自律，有谷友甚至自發設計泥鯭logo貼紙，變身「另類行車證」免費送給谷友，方便泥鯭搵車。

「香港咁多爭拗，有幾何見到咁友愛？真係感動㗎。」除了區區有谷，他住的私人屋苑也設群組，旅遊旺季出機場，吹雞一樣無難度，「有需求但冇諗過咁大迴響，好多機緣巧合，令好多人對順風車有美好體驗，除咗慳錢慳時間，仲好玩」。

由釣魚變泥鯭，角色互換，一樣皆大歡喜。落車前的世紀合照，上載到平台，成為泥鯭谷首宗成功配對案例，靚樣加上久違了的鄰里互助情，一個小小的post，近2,000個like。「互聯網傳播速度快，有平台分享行程，唔使單靠喺路邊截車，配對方便好多」。行出第一步，驚喜處處。「我喺大埔長大，試過喺車上撞番中學同學個細佬；又試過義載時傾開，先知其中一條泥鯭，係妹妹冇聯絡好多年嘅舊同學」。
蘋果日報：
即 like 蘋果fb：
iPhone App ：
Android App：
Category
Hiburan - Entertainment
Sign in or sign up to post comments.
Be the first to comment