Write For Us

【母親節】分不開的母子：曾經諗過一齊死

E-Commerce Solutions SEO Solutions Marketing Solutions
73 Views

  • Thanks! Share it with your friends!

    You disliked this video. Thanks for the feedback!

admin
Published
【本報訊】「我曾經有諗過了結左自己同埋囝囝嘅生命。」話到此處，Zoe眼眶又不住的積滿淚水。11年前，兒子軒軒出生，本來開心地迎接新生命到來，卻發現兒子遺傳了父親的罕有病，患上結節性硬化症，體內多個器官都會有腫瘤。每次看到兒子發病抽筋，Zoe都覺得很心痛，人家望子成龍，Zoe對兒子就只有一個願望──身體健康。
曾有同死念頭
大約在6年前，軒軒準備升讀小學，Zoe的精神壓力瀕臨「爆煲」。當了6年全職媽媽，除了要照顧兒子，也同時要照顧患病的丈夫。這一年，她離婚了，獨力照顧兒子的壓力不足為外人道，終於有一天，Zoe無法承受生活帶給她的重擔，想到尋死，「我望住軒軒，喺度諗如果我去咗，剩番佢一個人喺呢個世界，邊個會照顧佢呢？」念及此處，腦海裏閃出這樣的念頭︰不如帶埋佢去。
事後回想這段經歷，Zoe仍然感到後悔自責，「個生命係我帶畀佢，我冇權咁樣帶走佢，點解我竟然會諗到要去傷害佢？如果再嚟一次，我一定唔會咁樣諗」。還未有自殘及傷害兒子的行動之前，她就撥了一通電話給老師，告訴老師自己的狀態不太妥當，讓學校接兒子上學後，Zoe亦被社工送進醫院，那時才知道自己患上抑鬱症。
自此，兩母子開始分隔兩地的生活，至今已6年。Zoe仍然留在一直居住的房子，軒軒則被送到兒童之家，每逢周末及假期，Zoe便會把兒子接回家中短暫相處，無法時刻見證着兒子成長，就像借回來的時光，一點一滴都格外珍惜，「其實都有種俾人搶咗個仔嘅感覺，但都冇辦法，佢哋驚我會傷害佢」。分別的時候，Zoe會告訴軒軒，媽媽和他都要各自努力，「媽咪會努力令自己嘅情緒病好返，第時就可以喺番埋一齊」。
Zoe說，幾乎每次分別都充滿無限不捨，「個仔都會好唔開心，因為佢好鍾意媽咪，都好想同媽咪玩」，回憶起最初，每次重逢，軒軒都會抱着她，然後說聲「媽咪我好掛住你」。每次聽到，Zoe心裏都會覺得甜絲絲，「佢其實好錫媽咪㗎」。
然而，想到兒子的健康，她總是很擔心，「對於佢，我冇乜嘢盼望，淨係希望佢將來可以身體健康，呢個係我最大嘅心願」。
■記者李雨夢
蘋果日報 ：
即 like 蘋果 fb ：
iPhone App ：
Android App ：
Category
Hiburan - Entertainment
Sign in or sign up to post comments.
Be the first to comment